طبخالكم تاج النهاردة بقى انما اييييه ... صنعة ايديا و حياة عنيا
هاجاوب بصراحة جدا و امرى لله
************************************
أحب شخص الى قلبك في الدنيا؟
اخويا الصغير
انسان مستعد تضحي بحياتك _ركز في كلمة حياتك_عشانه؟
مفيش
إنسان كرهته لدرجة الجنون و تمنيت لو تمسك سكينة و تنقض عليه و تغرزها في
قلبه تقتله و تقف تبص على جثته و تشفي غليل قلبك؟
موجودة فعلا الشخصية دى بس مش هقول مين طبعا
س ده مش معناه انى غلاوية يعنى كل ما فى الامر انى بسامح لدرجة العبط واحط اعذار ميصدقهاش متخلف بالوراثة بس لما بقفل ... انتهى , ومش الكره بمعناه هى المعزة اللى طلعت و زادت بتنزل و بتبقى الشخصية دى شىء عادى و انا قصدت كلمة شىء لانه بتقلب جماد فى نظرى لا افرح لخيرها و لا اتاثر لشرها مهما كانت الدرجة... زى ما ازازة تتكسر مثلا .. مبتعاطفش معاها لانها هى نفسها مش حاسة باللى جرى لها
ما هو إسم أجمل كتاب كتبه بشرقرأته و محتفظ به حتى الآن
مش كتاب بعينه بس افتكر اول كتاب اثر فيا وقريته يعنى هو
"مغامرات هكبلرى فين
"مغامرات هكبلرى فين
إسم كتاب_كتبه بشر برضه_إنت متعلق بيه و بتقراه كل فترة؟
هو مش دلوقت بس زمان بقى لما كنت فى 5 ابتدائى كانوا مسلمينا قصة علاء الدين و المصباح العجيب , مش عارفة
ليه كنت كل شوية اقراها , كمان موسوعه فلاش لخالد الصفتى
أهم جهاز منزلي متعلق بيه أوبتستخدمه كتيرشىء تحس بالراحة النفسية عندما تنظر إليه؟
الموبايل اولا , لانى اشتريته من فلوسى و شغلى الخاص
الكمبيوتر ثانيا
شىء تحس بالراحة النفسية عندما تنظر إليه؟
بحر اسكندرية فى شهر 9 ومحدش جمبى و انا ساكته
مكان تحس فيه بالحنين إلى شىء لا تدري ما هو و ذكريات جارفة إلى لا شىء؟
بيت جدى والد والدى الله يرحمه
مكان تحس بالراحة عندما تدخله؟
غرفتى وهى مقفولة عليا و البلكونة بعد ما الناس كلها تنام
اجمل مدينة زرتها داخل مصر؟
اسكندريه
شخصية كرتونية تحبها؟
POOH
بموووت فيه مووت اللى عايز يجيبلى هدية يجيبلهولى
كمان بحب جيرى الفار قوى بحس انه فيه كتير منى مش عارفة ليه
والنكته بقى "السيدة ملعقة" اللى طول النهار قاعدة تكش و تطول ومعلقة على ظهرها معلقة و لما تصغر بقى تكلم الفران و النمل و العصافير
نوع هاتفك المحمول؟
سامسونج
C230
سرعة بروسيسور جهازك؟
1000MHZ
ذاكرة _هارد_جهازك؟
60 GB
المساحة التي تشغلها المساحة الاسلامية على جهازك؟
من 3 ل 5 جيجا تقريبا
نفس الاجابة السالف ذكرها في قلبك_الاجابة لنفسك عشان الرياء يا اخوانا؟
مش رياء و الله اخويا بيحب يحط الاسلاميات و احنا الحمد لله على دين فى البيت يعنى
أهم هدف انت واضعه لحياتك الآن؟
اكمل دراساتى العليا لسة اول سنة ابدا السنة دى يعنى المشوار طويل
مواصفات فتى الاحلام بالنسبة لي؟
انه يكون راجل و دى مش سهلة خاااالص
مش عارفة هو انا فى دماغى دايما انى لما هشوفه هعرفه
كمان واضح و طيب وياريت يعنى ميكونش متعدد العلاقات النسائية تحت بند دى زى اختى و دى زى امى و دى بقى زميلتى و دى شبه بتاعة اللبن فبعطف عليها عشان بتخنق بسرعة و بغير
اكيد عارف ربنا و يقدرنى و يفهمنى و يحترم تفكيرى
اكيد عارف ربنا و يقدرنى و يفهمنى و يحترم تفكيرى
يمتاز بالذكاء مش الدهاء
الفاظه محترمة و صبور و متواضع
الفاظه محترمة و صبور و متواضع
ويعلم جيدا انه اكتر ما اكرهه فى اى شخص الغباء و قلة الادب
ومن المهم قوى قوى انه ميحاولش يغير فيا
مهم قوى قوى انه ميكونش نكدى
شخصية رامز جلال الممثل كده مثلا
شخصية رامز جلال الممثل كده مثلا
صف ما يأتى
****************
شعورك لما بتسمع كلمة مصر؟
ساعات بزعل عشانها
ساعات كتير اقول امتى اخرج منها فى الخير طبعا
ساعات كتير اقول امتى اخرج منها فى الخير طبعا
شعورك لما بتسمع كلام عن اليهود؟
تمنى الشهادة
شعورك لما بتشوف ضابط شرطة؟
احاول اتقمص شخصيته و هو قاعد فى المدرج و بيسمع المحاضرة و يقولوله الشعب ده مبيجيش الا بالجزمة و ياترى جاى على هواه الكلام ولا لا
شعورك لما بتشوف الكناس العجوز في الطريق؟
ساعات ببقى عايزة اخد منه المقشة و اقوله عنك يا حاج
:)
أفكارك تجاه شاب ماشي في الطريق يلبس جلابية بيضاء قصيرة و عمامة و له لحية و بجيبه السواك و في يده المصحف؟
اقوله نفسى ابقى فى الراحة النفسية اللى انت فيها
لكن الرسول على الصلاة و السلام اذا كان لبسه كده فلان ده زى وقته وزى الشعب وقتها كان بالشكل ده , وانه كان له لبس لكل مناسبة و ارتدى من البسه بلاد كثيرة
االاهم من ده بقى لو ادانى نظره من اياهم : اقوله ومابك من نعمة فمن ربك
وكذلك كنتم من قبل
االاهم من ده بقى لو ادانى نظره من اياهم : اقوله ومابك من نعمة فمن ربك
وكذلك كنتم من قبل
إحساس يراودك في اشارة مرور مغلقة بسبب مسئول كبير؟
مكنتش ابقى بنته و راكبه جمبه :)
خلصت الاسئله وجه وقت التمرير
اوعى حد يدعى عليا
24 comments:
مبسوطه أوى انك عملتى التاج يا قمر
أجوبتك بسيطه وبتنم عن شخصيه بسيطه لكن طموحه
كل تاج وانتى طيبه يا حبى
تحياتى
مبرووك التاج انا برده مفروض اعمله و الا هضرب
بس اجاباتك جميلة خصوصا بتاعة فتى الاحلام انا برده بتخنق من حكاية دى زى بنتى و دى مرات خالى و كدااا
اهلا اهلا
كنت مستني مدونتك من زمان
تعليقاتك كانت تسعدني
وكنت دائما انتظر مدونتك الخاصة
مبروك عليها
وارجو ان تعودي لزيارة مدونتي والتعليق بها
والا تجعلي النقاش السابق عليها حاجز بينك وبينها
تحياتي
د. خالد عزب
كل تاج وانت طيبة
-----
معقول في حد انا مش مررتله التاج ده
:)
اجابات صريحة و واضحة من انسانة صريحة و واضحة
قرأت التاج حتى آخره بدون ملل
انتى بتتكلمى عن نفسك بانسيابية جميلة
ةبدون تكلف
شكرا على التاج بس مش قاردة اعمله بجد
مش عارفة ليه ماقدرتش اجاوب عن اى تاج حتى الآن
تحياتى للعزيزة لجين
جميل اوى اجابتك بسيطة وصريحة
يا ربييييييييي
هوا أنا كل أما أدخل عند حد ألاقيه بيجاوب على التاج ده؟
بس كويس أدينا عرفنا عنك حاجة
هيا دي حلاوة التاج بصراحة
أي نعم هوا بيبقى متمرر خلقة بس الواحد ممكن يحطله حتتين سكر عادي جداً
المشكلة إنه بيرجع يمرره للي بعديه
هوا فيه حد بيحب المر؟
تحياتي
عجبتني نظرية الإزازه المكسوره ... نظره صحيحه لأشخاص لم أكن يوما أعرف وصفا لهم
بس معقوله رامز جلال؟؟.. ههههههههه
كل تاج وإنتي بخير يا لجين
سلاماااااااااااااات
ده ايه العسل ده يا رب دايما منوره كده
ياربي
متلازمة التاجات اللي لسه ما خلصتش
--------------------------------
احلى اجابات سمعتها على التاج ده كانت عندك
وبالذات الخاصة بظباط الشرطه
تحياتي
--------------------------------
عندك رضي نفسي في اجاباتك
جميل
eah dakoloooo eah dah kolooooo :)
ana 2etbasat gamed mooot lama 2areth el post beta3ek .
we 2aktar feta 7ekayet eno sa3b tela2y ragel :))
طب اخد الباب و امشي من سكات
بقي ارجع ادون الاقي تاجات تاني
يا ناس حرااااااااااااااااام
كفايه تاجات بقي
هههههههههههههههههه
لاء اللي بجد بقي
عجبتني قوي مواصفات فارس الأحلام اللي هيجي علي الحصان الأبيض ده
كويس ان ليه في حد بيقكر كده
تحياتي
أولا مبروك المدونة الجديدة .. ودايما لقدام
عجبني قوي موضوع بتاعة اللبن ده .. أنا برضه مراتي بتضايق قوي من الموضوع ده
:-D
يا استاذة فضة
هستأذنك فى ردك المخيف عن السلف عند الاستاذة ريرى لا يمكن ان يكون التأثر بموقف شخصى او حتى جماعى ان نعمم فكرة او مفهوم عن ملايين البشر
اسف ان الكلام مش فى مكانة
مبروك تاجك
انتي لذيذة أوي يا لوجينا
بالمناسبه أسمك انا بحبه أوي
وعارفه معناه
معناه الفضة السائلة
ولا ايه؟
أجاباتك على التاج دمها خفيف
وبتقول إنك شخصية طموحه جدا
وده بيعجبني أوي
بالذات ف البنات
ربنا يحميكي يارب
أنا هزور مدونتك دي دايما
أعذريني على التأخير ف الرد عليكي
كنت مشغوله والله
دي أول زياره ليا وإن شاء الله مش هتكون الأخيره
سلام يا قمر
لجين الرقيقة
عجبتني اوي مدونتك..وعقبال البوست رقم 100
اكتر حاجه دخلت دماغي رايك ف الشاب الملتحي..نفس رايي صراحة
تحياتي ياجميل
طبيخك حلو ياست لوجين
بس الحاجات اللى استوقفتنى
أخوكى الصغير؟ ليه مش ماما
طبعا مش بناقشك
اذا ده احساسك خلاص
:)
مافيش حد مستعده تضحى بحياتك علشانه.
ليه بس ؟
ولا حتى اخوكى الصغير
;)
شعورك نحو اليهود متفق معاكى فيه تماما
مش عارف أغرب اجابه ووقفت قدامها كتير قوى
فعلا تقدرى تاخدى منه المقشه وتقولى ليه عنك ياحاج؟
مش عارف حاسيت انك قمة الطيبة اللى فى الدنيا
حتى لو ده كان شعور بس
انما اخر اجابه ليكى دمرت الاحساس بانك طيبة
طيب اذا انتى بنته وراكبه جنبه مش كنتى تقولى ليه وذنبها ايه الناس دى تتعطل
على كل حال تشكرى على صراحتك
هى دى اهم حاجه
ودمتى بخير
سلام
حسن محمود
REEMOO
------------
وكل تاج و انتى بالصحة و السلامة يا ريمو الرقيقة , يارب ينولنا مرادنا
Ma-3lina
------------
هتنضربى بجد , طب الحقى يالله اجرى اعمليه
daktara
------------
شكرا لمرورك
شادي فايد
------------
ادى ريم دورت على اللى موصلهمش و بعتتهولى , انتوا بتاخدوا عليهم فلوس ولا ايه؟؟
ياسمين
------------
حبيبه قلبىىىىى
وحشتينىىىى و لو انك مبتعبريش
عندكيش عريس؟؟؟؟
ELGaZaLy-=-.:.
--------------
ميرسى قوى علىالمجاملة الجميلة البيسطة الصريحة
محمد فوزي آل ربيع
-----------------
ههههههههههههههههه
حلوة متمرر خلقة دى
انا باخد 4 حتت سكر معلش
reri
-----------------
حبيبة قلبى رحاب
نظرية الازازة المكسورة عجبتك
دى اقل حاجة عندنا
انا انفردت حضرتك بنظريات كتير
الكرسى المخلع
السيري الملخلخ
وشباك من غير سلك
انتظار مؤقت
-----------------
ميرسى كتير
أحمد سلامة
-----------------
معقول شيف الشرف العظيم دكتور احمد هنا
ويثنى على كلامى كمان دى شهادة اعتز بيها
كراكيب عادل
-----------------
ربنا يديم علينا الرضا نعمهو يحفظها من الزوال
dr_lazeez
-----------------
يادى النور يادى النووووووور
صعب فعلا و الله الاقى راجل
اذا فعلا اتفهم معنى يعنى ايه راجل
•«ρяoιd»•
------------
عودا حميدا اولا
كلمة اخد الباب و امسى فكرتنى بمسرحية المتزوجون لما قالله لبسنى السلطانية
سمير غانم قالله طب عايزنها اصلا مش بتاعتنا
معلش الباب مش بتاعنامش هتاخده
يا مراكبي
------------
بجد من احلى المدونات اللى دخلتها مدونة سيادتكم
ومن اكتر الافعال اللى بتنقطنى افعال سيادتكم برضه تجاه بتوع اللبن
منكم لله خلتونا نقلق لو عدت جمبكم نملة نتاية
الطائر الحزين
-------------
شكرا لمرورك الكريم
hassan
-----------
مهو انا لو بنته هقوله تعالى ناخد تاكسى يا بابى
shermen
--------------
اهلااااااااااااااان
وسهلاااااااااااااااان
شيرمين العسولة
انتى الاعسل و الاحلى و اسمك و انتى كمان تتحبوا, يا طيب الجلب وينك انتى
هسامك على التاخير
شرط متبقيش تقطعى الزيارة
سلسبيل
-------------
مدونتك حلوة قوى يا سوسو
ربنا معاكى و يعينك يا بلديات
ابقى تعالى مبتجيش ليه
كلهم بييجوا
وراينا واحد مهو ابو زميل بقى
تحياتى
اين انتي و الجديد بتاعك ..في انتظارك و عدي تنوريني
ههههههههههههههههههههههه
إحساس يراودك في اشارة مرور مغلقة بسبب مسئول كبير؟
مكنتش ابقى بنته و راكبه جمبه :)
ده احلى تعليق شوفته على السؤال ده ده انا قعدت اتفلحس عشان احط اجابات فقريه لكن مجاش في بالي التعليق ده ده انتي مصيبه بس يعني لو كنتي بنته ياريت تبقي تدينا كارت توصيهكده عشان اقدم على لعب في اي فريق كوره واخد سبع تسع تلاف جنيه في الشهر
ما علينا اسلوبك جميل جدا جدا واحييكي عليه وانشاء الله ابقى انا كمان احيبلك pooh
في عيد ميلادك بس عايزاه وهو شايل زلعة العسل ولا وهو لوحده
سلاااااااااااااااااااااام
جميل التاج دة ....
بس ف اشارة المرور انتى اتمنيتى ان انتى
تبقى بنتة
سيبتيلى اية بقى .......؟
ياريتنى ابقى السواق؟
مدونتك لذيذة جدا علي فكرة
وروحها لطيفة وبننوتية كده
تحياتي
Post a Comment